ಅಸ್ಸಾಂನಿಂದ ಮೊದಲ ಇ-ಬಜೆಟ್‌

ಅಸ್ಸಾಂನಿಂದ ಮೊದಲ ಇ-ಬಜೆಟ್‌
TNN & Agencies | Updated Mar 13, 2018, 04:00 AM IST

ಗುವಾಹಟಿ: ಅಸ್ಸಾಂನಲ್ಲಿ ರಾಜ್ಯದ ಮೊದಲ ಇ-ಬಜೆಟ್‌ ಅನ್ನು ಹಣಕಾಸು ಸಚಿವ ಹಿಮಂತ ಬಿಸ್ವಾ ಶರ್ಮಾ ಸೋಮವಾರ ಮಂಡಿಸಿದ್ದಾರೆ. ದೇಶದಲ್ಲಿ ಆಂಧ್ರ ಪ್ರದೇಶದ ಬಳಿಕ ಇ-ಬಜೆಟ್‌ ಮಂಡಿಸುತ್ತಿರುವ ಎರಡನೇ ರಾಜ್ಯವೆಂಬ ಹೆಗ್ಗಳಿಕೆಗೆ ಅಸ್ಸಾಂ ಪಾತ್ರವಾಗಿದೆ. ಆಂಧ್ರದ ಇ-ಬಜೆಟ್‌ ಅನ್ನು ಅನ್ಯ ರಾಜ್ಯಗಳವರು ಗಮನಿಸುವ ಆಯ್ಕೆ ಇರಲಿಲ್ಲ. ಆದರೆ, ಅಸ್ಸಾಂನ ಇ-ಬಜೆಟ್‌ ಅನ್ನು ಗೂಗಲ್‌ ಪ್ಲೇ ಸ್ಟೋರ್‌ಗೆ ಹೋಗಿ ಆ್ಯಪ್‌ ಡೌನ್‌ಲೋಡ್‌ ಮಾಡಿಕೊಳ್ಳುವ ಮೂಲಕ ಯಾರು ಬೇಕಾದರೂ ಗಮನಿಸಬಹುದಾಗಿದೆ.

ಅಸ್ಸಾಂ ಬಜೆಟ್‌ ಅನ್ನು ಮುದ್ರಣ ಪ್ರತಿ ಮತ್ತು ಡಿಜಿಟಲ್‌ ಎರಡೂ ರೂಪದಲ್ಲಿ ಪ್ರಕಟಿಸಲಾಗಿದೆ. ನಾಗರಿಕ ಸ್ನೇಹಿಯಾಗಿ ಬಜೆಟ್‌ ರೂಪುಗೊಂಡಿದೆ ಎಂದು ಶರ್ಮಾ ಹೇಳಿದ್ದಾರೆ. 2,149 ಕೋಟಿ ರೂ.ಗಳ ಕೊರತೆ ಬಜೆಟ್‌ ಇದಾಗಿದ್ದು, 2018-19ನೇ ಸಾಲಿನಲ್ಲಿ ಯಾವುದೇ ಹೊಸ ತೆರಿಗೆಗಳನ್ನು ಸರಕಾರ ವಿಧಿಸಿಲ್ಲ. ವಿದ್ಯುತ್‌ ಸುಂಕವನ್ನು ಶೇ.5ರಷ್ಟು ವಿಧಿಸಿದೆ. ಮುದ್ರಾಂಕ ನೋಂದಣಿ ಶುಲ್ಕವನ್ನು ಶೇ.1ರಷ್ಟು ಏರಿಕೆ ಮಾಡಲಾಗಿದೆ.